សាហាវមែន! ប្លន់បាញ់សម្លាប់ស្រ្តីទេសចរជនជាតិរុស្ស៊ី២នាក់ បណ្តាលឲ្យដេកស្លាប់នៅលើកៅអីវាល ខ្សាច់យ៉ាងអាណោចអាធ័ម

ករណីប្លន់ និងបាញ់សម្លាប់មកលើស្ត្រីទេសចរជនជាតិរុស្ស៊ី២នាក់ នៅក្នុងប្រទេសថៃ


កាលពីប៉ុន្មានកន្លងមកនេះ នៅតែជាព័ត៌មានក្តៅទទួលការចាប់អារម្មណ៍ជាខ្លាំង ពីសំណាក់អ្នកប្រើប្រាស់អ៊ីនធើរណេត ចែករំលែក ក្នុងគោលបំណងដើម្បីឲ្យបងប្អូនជាភ្ញៀវទេសចរទាំងឡាយ បង្កើនការប្រុងប្រយ័ត្នសុវត្ថិភាពរបស់ខ្លួន ខណៈបាននិងកំពុងធ្វើដំណើរកំសាន្តនៅក្នុងប្រទេសដែលប្រឈមហានិភ័យចោរឆក់ប្លន់ ។
បើតាមប្រភពព័ត៌មានបរទេស បានឲ្យដឹងថា ស្ត្រីជនជាតិរុស្ស៊ីរងគ្រោះពីរនាក់ខាងលើនេះមានឈ្មោះទី១. Tatiana Tsimfer អាយុ ៣០ឆ្នាំ និងទី២.ឈ្មោះ Lyubov Svirkova អាយុ ២៥ ឆ្នាំ ។ អ្នកទាំងពីរ បានធ្វើដំណើរមកលំហែកំសាន្ដនៅតំបន់រមណីដ្ឋាន ផាត់តាយ៉ា (Pattaya) ប្រទេសថៃ ជាលើកដំបូង និងត្រូវបានចាញ់សម្លាប់ ខណៈពួកគេកំពុងអង្គុយលំហែកាយនៅលើវាលខ្សាច់មាត់សមុទ្រ ។

ប្រភពបន្តថា ម្នាក់ក្នុងចំណោមឃាតករ២នាក់ដែលត្រូវបានចាប់ខ្លួនមានឈ្មោះ Anuchit Laumlert អាយុ ២៤ ឆ្នាំ បានប្រាប់សមត្ថកិច្ចថា ពួកគេមានបំណងប្លន់យកទ្រព្យសម្បត្តិជនរងគ្រោះទាំងពីរ ប៉ុន្តែ រូបគេសម្រេចបាញ់សម្លាប់ ដោយសារជនរងគ្រោះបានស្រែកឆោឡោឡើង និងណាមួយម្នាក់ក្នុងចំណោមជនរងគ្រោះទាំងពីរបានស្គាល់មុខមាត់របស់ខ្លួនទៀតផងនោះ ៕