ក្រសួងមហាសមុទ្រ និងនេសាទ កូរ៉េខាងត្បូង បញ្ជាក់ថា ប្រតិបត្តិការស្រង់នាវាត្រូវបានសម្រេចថានឹងចាប់ផ្ដើមកាលពីថ្ងៃពុធ ក្រោយពីការសាកល្បងស្រង់នាវាដំណើរការល្អ ។ សមាជិកគ្រួសារជនរងគ្រោះ តែងជំរុញឲ្យរដ្ឋាភិបាលស្រង់នាវាសេវុល និងទាមទារឲ្យស៊ើបអង្កេតបន្ថែមទៅលើមហន្តរាយនោះ ចំណែកមន្ត្រីរំពឹងថាការស្រង់នាវានឹងអាចរកឃើញមនុស្សបាត់ខ្លួន ៩ នាក់ ។
ក្នុងចំណោមជនរងគ្រោះទាំង ៣០៤ នាក់ មានមនុស្ស ២៥០ នាក់ គឺជាសិស្សក្មេងៗ ដែលធ្វើដំណើរក្រោមកម្មវិធីរបស់សាលារៀន ហើយពួកគេស្ដាប់តាមការណែនាំរបស់អ្នកគ្រប់គ្រងនាវាឲ្យស្ថិតនៅក្នុងនាវា ក្នុងពេលដែលនាវិករត់គេចចេញពីនាវាដែលកំពុងលិច ។
អ្នកគ្រប់គ្រងនាវាឈ្មោះ លី ជុនស៊ុក (Lee Joon-seok) ត្រូវបានតុលាការកាត់ទោសក្នុងឆ្នាំ ២០១៥ ឲ្យជាប់ពន្ធនាគារមួយជីវិតពីបទឃាតកម្ម ចំណែកនាវិកផ្សេងៗទៀត ជាប់ពន្ធនាគារចាប់ពី ៥ ឆ្នាំទៅ ៣៦ ឆ្នាំ ។ មនុស្សត្រឹមតែ ១៧២ នាក់ប៉ុណ្ណោះត្រូវបានជួយសង្គ្រោះក្នុងចំណោមមនុស្សទាំង ៤៧៦ នាក់នៅលើនាវា ដូច្នេះមានន័យថា មនុស្ស ៣០៤ នាក់ស្លាប់ ក្នុងនោះ ៩ នាក់បាត់ខ្លួនរហូតមកដល់ពេលនេះ ។ប្រភព៖ kqube