ខឹងគោវាយរទេះ! ខឹងសង្សារចាកចេញពីខ្លួន ទៅជះទឹកអាស៊ីតដាក់ក្រុមគ្រួសារនាង ដើម្បីជាការសងសឹក

កម្មករម្នាក់ និងប្រពន្ធ រួមទាំងកូនពីរនាក់របស់គាត់ នៅក្នុងប្រទេសឥណ្ឌាបានរងគ្រោះយ៉ាងធ្ងន់ធ្ងរ បន្ទាប់ពីជនដៃដល់លបចូលទៅចាក់ទឹកអាស៊ីតលើពួកគេទាំងអស់ ខណៈពេលកំពុងដេកលក់ស្កប់ស្កល់។ លោក Mangi Lal និងប្រពន្ធរបស់គាត់ អ្នកស្រី Tulsi


និងកូនពីរនាក់ កូនស្រីអាយុ៨ឆ្នាំ ឈ្មោះ Reena និងកូនប្រុសអាយុ៤ឆ្នាំ ឈ្មោះ Manoj ត្រូវបានជនដៃដល់ដែលជាសង្សាររបស់កូនស្រីច្បងរបស់គាត់មួយទៀត ធ្វើការវាយប្រហារដោយទឹកអាស៊ីតនៅក្នុងផ្ទះពួកគេនៅក្នុងរដ្ឋ Rajasthan ។

ហេតុការណ៍នេះកើតឡើង បន្ទាប់ពីកូនស្រីច្បងនៃគ្រួសារនេះបានចាកចេញពីសង្សាររបស់នាង ដែលជាមូលហេតុធ្វើឲ្យជនដៃដល់ដែលជាសង្សារ មកសងសឹកលើគ្រួសារនាងទាំងមួល។ កូនស្រីច្បងរបស់ប្តីប្រពន្ធនេះបានចាកចេញពីផ្ទះទៅរស់នៅជាមួយសង្សារនាង លោក  Prakash តាំងពីថ្ងៃ២៤ ខែសីហា ឆ្នាំ២០១៦ ។ បន្ទាប់ពីមានការបែកបាក់គ្នា ជនដៃដល់សង្ស័យថាគ្រួសារនេះបានលាក់សង្សាររបស់ខ្លួនក្នុងផ្ទះ ហើយគាត់បានសម្រេចចិត្តសងសឹកដោយជះទឹកអាស៊ីត៕ ប្រភព khmer-note